Lokað fyrir heimsóknir á HSU

6.Mars'20 | 21:04
hsu_eyjum

Starfsstöð HSU í Vestmannaeyjum. Ljósmynd/TMS

Í ljósi þess að upp hefur komið samfélagssmit COVID-19 veirunnar á Íslandi og lýst hefur verið yfir neyðarstigi almannavarna þá hefur framkvæmdastjórn HSU tekið þá ákvörðun að frá og með í kvöld 6. mars verði allar legudeildir HSU lokaðar gestum allan sólarhringinn nema í sérstökum undantekningatilvikum.

Þetta er gert með hagsmuni skjólstæðinga í huga, þ.e.a.s.  til að vernda viðkvæma einstaklinga, segir í tilkynningu frá framkvæmdastjórn HSU.

Í aukinni hættu á því  að veikjast alvarlega

Framkvæmdastjórn HSU hefur sömuleiðis tekið þá ákvörðun að loka hjúkrunardeildum stofnunarinnar fyrir heimsóknum ættingja og annarra gesta frá og með 7. mars 2020 þar til annað verður formlega tilkynnt.

Íbúar hjúkrunardeilda HSU eru flestir aldraðir og/eða með undirliggjandi sjúkdóma og eru því í aukinni hættu á því  að veikjast alvarlega af Kórónaveirunni.

Biðja fólk að sýna ákvörðuninni virðingu og skilning

Leita þarf allra leiða til að draga úr þeirri hættu að íbúar heimilanna veikist af veirunni. Ákvörðunin er tekin með velferð þeirra að leiðarljósi og biðjum við fólk að sýna ákvörðuninni virðingu og skilning. Það er ljóst að það getur reynst íbúa mjög erfitt að fá ekki heimsóknir frá ættingjum sínum og á sama hátt getur það reynst ættingjum mjög erfitt að heimsækja hann ekki.  Það er samt nauðsynlegt að grípa til þessara ráðstafana til að koma í veg fyrir að íbúi veikist af veirunni og eins geta smit borist frá ættingjum eins íbúa til annars.

Boðið verður upp á tæknilausnir eins og Skype til að ættingar og vinir geti áfram verið í samskiptum við skjólstæðinga legudeilda og hjúkrunardeilda.

Auk ofangreinds verður umferð allra annarra en nauðsynlegs starfsfólks takmörkuð inn á legu- og hjúkrunardeildir.

Við bendum ykkur á að kynna ykkur leiðbeiningar á vef Embættis landlæknis www.landlaeknir.is því staða mála og leiðbeiningar þeim tengdar geta breyst dag frá degi, segir að endingu í tilkynningu HSU.

Tags

COVID-19 HSU

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.