Fleiri færu í verkfall í Eyjum

24.Febrúar'20 | 07:44
eyjar_hofn

Vestmannaeyjar. Ljósmynd/TMS

Starfsmannafélag Vestmannaeyjabæjar er ekki eina aðildarfélag BSRB sem yfirvofandi verkfall hefði áhrif á hér í Vestmannaeyjum.

Hér eru líka aðrar starfsstéttir eins og tollarar, starfsfólk hjá sýslumanni og sjúkraliðar, sem eru í Tollvarðafélaginu, Sameyki og SLFÍ. Allt eru þetta félög undir BSRB.

Verkfallsaðgerðir BSRB munu hefjast mánudaginn 9. mars, takist samningar ekki fyrir þann tíma. Þann 9. mars vara aðgerðir í tvo daga, næstu tveir dagar yrðu svo 17-19. mars svo 24-25. mars og 26-27. mars. Þá 31. mars - 2. apríl og svo hefst ótímabundið verkfall þann 15 apríl nk.

Þessu tengt: Verkfall mun hafa áhrif og skerða þjónustu

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.