Hollvinasamtök Hraunbúða:

Vinna að því að bæta líðan og afþreyingu heimilsfólks Hraunbúða

18.Febrúar'20 | 20:34
joga_hraunbudir_cr

Hollvinasamtökin hafa boðið heimilisfólki uppá stóla yoga einu sinni í viku síðastliðið ár og hefur það verið vel sótt.

Nú er nýtt starfsár hafið hjá Hollvinasamtökunum og af því tilefni viljum við minna aðeins á okkur, um leið og við þökkum fyrirtækjum og einstaklingum fyrir frábæran stuðning á síðasta ári. 

Allur sá stuðningur fer í að bæta upplifun og líðan heimilisfólks á Hraunbúðum, segir í tilkynningu frá stjórn Hollvinasamtaka Hraunbúða.

Bæta gæði sjónvarpsmóttöku inná herbergjum heimilsfólks í samvinnu við Geisla

Þá segir í tilkynningunni að til að upplýsa ykkur um fyrirliggjandi verkefni á þessu ári viljum við segja frá því að Hollvinasamtökin standa nú fyrir því að bæta gæði sjónvarpsmóttöku inná herbergjum heimilsfólks í samvinnu við Geisla og munu þá sjónvarpsútsendingar á herbergjum vera í stafrænum gæðum. Gæðin á móttöku sjónvarpsefnis hafa verið frekar lítil og þar sem þetta er stór partur af afþreyingu heimilisfólks var ákveðið að ráðast í þessa framkvæmd. Þau í Geisla ætla að gefa vinnuna við uppsetningu nýja kerfisins og fyrir það erum við innilega þakklát.

Leita til fyrirtækja í Eyjum með styrk við kaup á nuddstól

Einnig erum við þessa daganna að leita til fyrirtækja í Eyjum með styrk við kaup á nuddstól sem okkur hefur verið bent á að gæti bætt líðan heimilsfólks. Vöntun hefur verið á handlóðum fyrir þjálfunarherbergi og ætla samtökin einnig að gefa þau.

Við förum reglulega í bíltúra og erum alltaf að reyna að fá fleiri sjálfboðaliða til að taka þátt í því verkefni með okkur svo við getum farið oftar, þetta gleður okkar fólk svo mikið. Framundan hjá okkur er svo auðvitað árlegt páskabingó ásamt Vorhátíð svo það er nóg framundan.

Vona að skilningur stjórnvalda verði meiri í framtíðinni

Að lokum langar okkur svo að minna á reikning Hollvinasamtakanna, sem er 582-26-200200- 4203170770 en allir geta orðið Hollvinir og nægir að setja kennitölu einstaklings eða fyrirtækis í skýringu. Eins er hægt að senda okkur skilaboð á Facebook.

Það er jú þannig að mikið hefur vantað upp á að rekstur Hraunbúða geti eingöngu gengið á framlagi ríkisins og hefur Vestmannaeyjabær greitt tugi milljóna á hverju ári til þess að endar nái saman.

Hvatinn að stofnun Hollvinasamtaka Hraunbúða spratt einmitt upp úr þeirri þörf sem hafði myndast vegna þessa. Vonandi sjáum við í framtíðinni að skilningur stjórnvalda verði meiri í þessum málaflokki.

Með kærum þökkum enn og aftur fyrir ykkar stuðning, segir í tilkynningu frá stjórn Hollvinasamtaka Hraunbúða.

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...