Eftir Tryggva Má Sæmundsson

Er hlutlaus fjölmiðlun draumsýn?

29.Janúar'20 | 07:52
eyjamidlar_2020

Mynd/samsett

Einhver umræða hefur átt sér stað undanfarið um fjölmiðla, hlutleysi eða hlutdrægni þeirra.

Mikilvægi öflugra fjölmiðla er óumdeilt fyrir bæði stór og smá samfélög. Öflugur fjölmiðill gegnir mikilvægu hlutverki fyrir almenning og héraðsfréttamiðlar hafa flestir það hlutverk að upplýsa íbúa í smærri samfélögum um mál sem snertir þeirra samfélag.

Blaðamenn mega hafa skoðanir

Ekki er óeðlilegt að ritstjórar og blaðamenn hafi skoðanir á hinum ýmsu málum eins og flestir hafa. Ritstjóri eða blaðamaður sem vill koma sínum skoðunum á framfæri gerir það undir nafni, helst í sérstakri grein, t.d. ritstjórnargrein.

Hins vegar er það hlutverk fjölmiðla sem vilja láta taka sig alvarlega að segja fréttir á sem hlutlausastan hátt. Leita allra sjónarmiða á málum og koma þeim á framfæri við lesendur.

Einföld ritstjórnarstefna

Einnig er mikilvægt fyrir hvert samfélag að hafa vökul augu yfir því sem betur má fara. Eyjamenn hafa verið duglegir við að koma sínum sjónarmiðum á framfæri og oft tekist að ná athygli ráðamanna.

Frá því að undirritaður tók við fréttasíðunni Eyjar.net fyrir hart nær sex árum hefur fjöldinn allur borist af aðsendu efni, sem og ábendingum um fréttaefni. Ritstjórnarstefnan er einföld, allt efni sem ekki er rætið og undir beltisstað á rétt á sér.

Ég held því að allir þeir miðlar sem vilja láta taka sig alvarlega - og eru ekki að ganga erinda hagsmunaaðila - vinni í þágu almennings og til að reyna að þoka hverju samfélagi fram á við. Því svara ég spurningunni hér í fyrirsögninni neitandi.

 

Tryggvi Már Sæmundsson

 

Höfundur er ritstjóri Eyjar.net

 

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-