Fiskiðjan er glæsileg

Á fyrstu hæð hússins er komið alþjóðlegt fyrirtæki sem rekur glæsilegt safn og griðarstað fyrir hvali og Lundaspítala. Á efstu hæðinni fékk einkaframtakið að blómstra og með kjarki og þori voru byggðar glæsilegar íbúðir sem eru nú tilbúnar.

Spennandi hlutir að gerast

Þekkingarsetrið hefur síðan blómstrað á 2. hæð ásamt fjölda fyrirtækja sem hafa valið að hafa skrifstofu sína þar. Þar hefur t.d. Háskólanámið í haftengdri nýsköpun verið og Viska með fjöldan allan af námskeiðum og aðstöðu fyrir fjarnema. Nýverið var stofnaður virkilega öflugur starfshópur sem á að skoða kosti þess að efla nýsköpun og hvaða sóknarfæri eru í stöðunni. Þau eru svo sannarlega fjölmörg og er hugmyndin með Fiskiðjunni farinn að bera árangur og það á undan áætlun. Þetta hangir allt saman og er því mikilvægt að halda áfram á þessari braut.

Trausti Hjaltason

Bæjarfulltrúi Sjálfstæðisflokksins.