Ölduhæðin 10-12 metrar

21.Janúar'20 | 10:59
IMG_8681

Bergey VE 144. Ljósmynd/TMS

Nýja Bergey VE fór út frá Vestmannaeyjum sl. laugardag og gat tekið eitt prufukast áður en brældi. 

Komið var í land og farið út á ný aðfaranótt mánudags. Skipið er komið í land enn og aftur en unnið er að því að stilla og laga búnaðinn um borð eins og þarf að gera á nýjum skipum.

Frá þessu er greint á fréttasíðu Síldarvinnslunnar - svn.is. Þar segir jafnframt að Smáey VE hafi komið inn til Eyja í morgun með fullfermi. Að sögn Egils Guðna Guðnasonar skipstjóra var þetta þokkalegasti afli sem fékkst í vitlausu veðri í Skeiðarárdýpinu. 

„Janúar er búinn að vera skelfilegur veðurfarslega. Það var vitlaust veður allan túrinn að undanskildum 12 klukkutímum. Ölduhæðin í gær var 10-12 metrar og við vorum tvöfalt lengur að sigla heim en eðlilegt má teljast. Við vorum í Skeiðarárdýpinu allan tímann. Það var ekkert veður til að færa sig neitt. Aflinn er blandaður en mest af ýsu, karfa og lýsu,“ segir Egill Guðni.

 

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...