Gul viðvörun fyrir sunnudag

Sunnan stormur eða rok norðan- og norðaustanlands og hlýnar ört, en úrkomulítið. Sunnan hvassviðri eða stormur og mikil rigning sunnan- og vestanlands og ört hækkandi hitastig. Búast má við miklum leysingum, auknu afrennsli og vatnavöxtum í ám og lækjum. Mikil hálka getur myndast þar sem rignir á klakabunka eða þjappaðan snjó. Mikilvægt er að hreinsa frá niðurföllum til að forðast vatnstjón vegna rigningar og leysingavatns, segir í viðvörun Veðurstofunnar sem gildir á Suðurlandi frá miðnætti til kl. 15.