Tilkynning frá Herjólfi ohf.

Ætla að fara í breytingar til að tryggja aðgengi farþega í hjólastól

10.Janúar'20 | 20:10
IMG_0124

Myndin er tekin um borð í Herjólfi. Ljósmynd/TMS

Í framhaldi af umræðu sem verið hefur um aðgengismál einstaklinga í hjólastól um borð í Herjólfi IV er vert að koma því á framfæri að Herjólfur er hannaður og smíðaður í samræmi við gildandi lög og reglur og samkvæmt kröfum sem gerðar eru til ferju og farþegasiglinga.

Þetta kemur fram í tilkynningu frá Herjólfi ohf. Enn fremur segir í tilkynningunni að því miður sé það þannig að þó öllum lögum, reglum og kröfum hafi verið framfylgt er aðgengi fyrir einstaklinga í hjólastól á klefagangi á fimmtu hæð ferjunnar ekki nægilega gott. Úr því verður bætt og gerðar verða þær nauðsynlegu breytingar sem þarf til þess að tryggja aðgengi farþega í hjólastól í klefa ferjunnar.

Þangað til að þeim framkvæmdum líkur biðjum við þá farþega okkar sem notast við hjólastól og ætla sér að ferðast með ferjunni á meðan siglingum til Þorlákshafnar standa yfir að hafa samband við afgreiðslu Herjólfs.

Starfsfólk Herjólfs mun hér eftir sem endranær leggja sig fram við að veita alla þá aðstoð sem þörf er á, segir í tilkynningu frá Herjólfi ohf.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.