Að skólabygging verði tilbúin sumarið 2022

28.Nóvember'19 | 12:05
skolalod_hamarsskoli

telja þá tímalínu sem liggur fyrir metnaðarfulla og bera þess merki að fara eigi af fullum krafti í þetta brýna verkefni

Á fundi fræðsluráðs Vestmannaeyjabæjar í gær var til umræðu viðbygging við Hamarsskóla. Á fundinum var tillaga að tímalínu varðandi bygginguna lögð fram.

Í afgreiðslu fræðsluráðs segir að ráðið samþykki drög að tímalínu og lögð er áhersla á að bygging verði tilbúin fyrir skólaárið 2022-2023.

Skipa faghóp og leggja til að skipuð verði byggingarnefnd

Ráðið skipar faghóp (þarfagreiningahóp) sem samanstendur af skólastjóra GRV, skólastjóra tónlistaskóla, aðstoðarskólastjóra Víkurinnar, fræðslufulltrúa, forstöðumanni frístundavers, húsverði Hamarsskóla, matráði Hamarsskóla, fulltrúa kennara GRV, fulltrúa tónlistarkennara auk framkvæmdastjóra umhverfis- og framkvæmdasviðs Vestmannaeyjabæjar.

Fræðsluráð leggur jafnframt til að bæjarstjórn skipi byggingarnefnd á fundi bæjarstjórnar þann 5. desember nk. segir enn fremur í afgreiðslu ráðsins.

Telja tímalínu metnaðarfulla og bera þess merki að fara eigi af fullum krafti í þetta brýna verkefni

Fulltrúar Sjálfstæðisflokksins í ráðinu bókuðu um málið, þar sem segir að það sé gleðilegt að sú tillaga sem undirrituð báru upp í upphafi kjörtímabilsins sé nú að verða að veruleika. Fulltrúar Sjálfstæðislokksins telja þá tímalínu sem liggur fyrir metnaðarfulla og bera þess merki að fara eigi af fullum krafti í þetta brýna verkefni. Við erum þess sannfærð að með samvinnu allra aðila sem koma að málinu mun þetta mikilvæga verkefni fá farsælan enda og verða til happs fyrir alla bæjarbúa.
 

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is