Uppfærð frétt

Báðir Herjólfar bilaðir

- ferð Herjólfs fellur niður vegna bilunar

21.Nóvember'19 | 09:59
IMG_4320

Báðar Vestmannaeyjaferjurnar liggja nú bilaðar við bryggju. Ljósmynd/TMS

Næsta ferð Herjólfs fellur niður vegna bilunar sem kom upp við siglingar til Vestmannaeyja núna úr 8:15 ferðinni. Þetta kemur fram í tilkynningu frá Herjólfi ohf. en ferjan átti að halda í þá ferð kl. 9.30 frá Eyjum.

Að sögn Guðbjarts Ellerts Jónssonar, framkvæmdastjóra Herjólfs stendur nú yfir bilanaleit, en um er að ræða bilun í hliðarskrúfu.

„Við vonumst til að komast í 12 ferðina.” segir Guðbjartur en undanfarnar vikur hefur verið unnið að rafvæðingu ferjunnar. „Það er eitt af því sem er í skoðun. Þ.e hvort þessar bilanir séu afleiðinging af forritun vegna rafvæðingar. Það er ekki útilokað.”

Gamli Herjólfur líka bilaður

Herjólfur III fór fyrri ferðina í gær sökum þess að sá nýi bilaði kvöldið áður. Þegar hann átti stutt eftir til Eyja í gær kom upp bilun í skipinu. Guðbjartur segir að bilunin sé í annari aðalvél skipsins. „Vélstjórarnir telja að farin sé headpakkning.” 

Viðgerð stendur nú yfir og á Guðbjartur von á því að henni ljúki síðdegis í dag.

 

Uppfært kl. 11.15:

Í tilkynningu frá Herjólfi ohf. segir að ljóst sé að næsta ferð Herjólfs falli einnig niður. Frá Vestmannaeyjum kl. 12:00 og 13:15 frá Landeyjahöfn. Enn er unnið að viðgerðum.

 

Tags

Herjólfur

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is