Nýr Herjólfur:

Leggja af stað í slipp um miðjan mánuð

- koma við í Hafnarfirði, en sigla svo norður til Akureyrar

6.September'19 | 11:48
IMG_5238

Nýi Herjólfur mun fara í lagfæringar um miðjan þennan mánuð. Ljósmynd/TMS

Líkt og greint var frá í síðasta mánuði, er nýi Herjólfur á leið í slipp á Akureyri síðar í þessum mánuði, en gera þarf við annan veltiugga skipsins. 

Guðbjartur Ellert Jónsson er framkvæmdastjóri Herjólfs ohf. „Við gerum ráð fyrir að fara sunnudaginn 15. september og sigla þá til Hafnarfjarðar. Þar verða björgunarbátar sprengdir út og framkvæmd björgunaræfing.”

Sjá einnig: Nýi Herjólfur þarf að fara í slipp

Að sögn Guðbjarts átti alltaf eftir að setja neyðarsenda í björgunarbátana en frestur til þess rennur út þann 1. október. „Þetta er ábyrgðarmál þar sem ferjan á að skilast með þessum búnaði. Það er mikilvægt að ljúka þessu. Þeim verður svo pakkað hjá Víking í Hafnarfirði.”

Hann segir að eftir björgunaræfinguna þann 16. september verði haldið til Akureyrar. Gert er ráð fyrir að koma að kvöldi 17. september þangað en svo er þurrkví strax að morgni þann 18. september.

Áætla hálfan mánuð í verkið

„Gert er ráð fyrir allt að 8 dögum í slippnum. Fara á í uggana en svo verður tíminn og stoppið nýtt til frekari lagfæringa og stillinga. Unnið hefur verið að því skipuleggja þetta en öll þessi verkefni eru á ábyrgð eiganda.

Ég geri ráð fyrir að það fari allt að hálfur mánuður í þetta, en það gæti verið styttri tími en jafnframt lengri. Við viljum klára þetta sem fyrst og koma henni afur undir í rekstur enda á sú eldri eftir að fara í slipp líka.” segir framkvæmdastjóri Herjólfs.

Tags

Herjólfur

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.