Hefja nám í bráðahjúkrun

4.September'19 | 17:58
Nemar-i-bradahjukrun-sv-19_eyjar_hsu

Ásta Gústafsdóttir, Gyða Arnórsdóttir og Iðunn Dísa Jóhannesdóttir. Ljósmynd/hsu.is

Þrír hjúkrunarfræðingar sem starfa hjá HSU í Vestmannaeyjm hafa nú byrjað í nýja diplómanáminu í bráðahjúkrun sem Háskóli Íslands stendur fyrir. Þær eru: Ásta Gústafsdóttir, Gyða Arnórsdóttir og Iðunn Dísa Jóhannesdóttir.

Áður hefur það komið fram að átta hjúkrunarfræðingar frá BMT Selfossi hafa einnig hafið þetta nám. Það eru þá samtals 11 hjúkrunarfræðingar frá HSU sem hafið hafa diplómanám í bráðahjúkrun sem er frábær þátttaka í námi sem mun nýtast þeim afar vel í starfi.

Tilgangur námsins er að veita hjúkrunarfræðingum tækifæri til að dýpka þekkingu og færni í hjúkrun bráðveikra og slasaðra sjúklinga innan sem utan heilbrigðisstofnana. Að námi loknu hafa nemendur öðlast sérhæfða þekkingu á einkennum, þörfum sjúklinga og aðstandenda, og viðbrögðum þeirra við bráðum veikindum og slysum, geta metið, forgangsraðað og endurmetið sjúklinga auk þess að þekkja til og veita viðeigandi meðferðir og meta árangur þeirra, segir í pistli forstjóra HSU.

Færni í bráðahjúkrun byggir m.a. á staðgóðri þekkingu á:

  • lífeðlisfræðilegum viðbrögðum við bráðum veikindum og slysum
  • endurlífgun, bráðum meðferðum og viðbrögðum
  • sálfræðilegum áhrifum bráðra veikinda, áverka og slysa
  • félagslegum afleiðingum veikinda, slysa og sjúkrahúslegu
  • menningarbundnum þörfum skjólstæðinga
  • sjúkdóma- og áverkafræði
  • íslensku heilbrigðiskerfi, viðbragðsáætlunum og almannavörnum

Einnig verða skoðaðar nýjar rannsóknir, kenningar og meðferðir sem snúa að ofangreindum þáttum. Í bóklegum námskeiðum verður áhersla lögð á að kenna með dæmum úr raunveruleikanum,  þar sem nemendur glíma við úrlausnir og að tengja dagleg viðfangsefni við gagnreynda þekkingu. Námsleiðin eflir sjálfstæði í starfi bráðahjúkrunarfræðings og möguleika í áframhaldandi námi til meistaraprófs og sérfræðings í bráðahjúkrun.

Námið mun því sannarlega styðja við sívaxandi starfsemi HSU í Vestmannaeyjum.  Afar mikilvægt er að styrkja kunnáttu og færni heilbrigðisstarfsmanna framlínunni í heilbrigðisþjónustu í dreifbýlu heilbrigðisumdæmi og styrkja þannig stoðirnar á sviði bráðaþjónustu í Eyjum. Við erum sannfærð um að námið mu bæta færni og gæði við meðferð bráðveikra og slasaðra. Við óskum þeim öllum velfarnaðar í náminu, segir í grein Herdísar Gunnarsdóttur, forstjóra HSU sem birtist á vefsíðu stofnunarinnar.

Tags

HSU

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...