Bæjarráð Vestmannaeyja:

Mikilvægt er að skoska leiðin verði innleidd eigi síðar en í ársbyrjun 2020

líkt og kveðið er á um í samgönguáætlun

20.Ágúst'19 | 17:36
flugvel_ernir_stor

Til stendur að fækka flugferðum til Vestmannaeyja í haust. Mynd/TMS

Á fundi bæjarráðs Vestmannaeyja í dag var umræða um samgöngumál. Bæjarráð hefur áður lýst áhyggjum sínum af stöðu flugsamgangna til Vestmannaeyja í vetur og af stöðu innanlandsflugs almennt. 

Öflugt innanlandsflug er ein forsenda fyrir dreifðri byggð í landinu og nú er orðið ljóst að ekki er aðeins verið að fækka flugferðum til Vestmannaeyja heldur einnig annarra áfangastaða á landinu.

Í bókun ráðsins segir að bæjarráð hvetji samgöngu- og sveitarstjórnarráðherra og fjármálaráðherra til að tryggja svokallaða skosku leið sem er niðurgreiðsla á flugfargjöldum fyrir fólk sem býr fjarri höfuðborginni.

Góðar flugsamgöngur eru nauðsynlegar til að tryggja aðgang íbúa landsbyggðarinnar að nauðsynlegri og sérhæfðri þjónustu sem aðeins er í boði á höfuðborgarsvæðinu. Mikilvægt er að skoska leiðin verði innleidd eigi síðar en í ársbyrjun 2020 líkt og kveðið er á um í samgönguáætlun. Til þess að flugið verði að raunhæfum valkosti þarf að koma til umtalsverð lækkun á flugfargjöldum og er skoska leiðin ein leið til þess.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu.