Samdráttur í innanlandsflugi

9.Ágúst'19 | 11:17
vel_ernir_0419

32 sæta vél Ernis tekur hér á loft frá Eyjum. Ljósmynd/TMS

Í síðustu viku var greint frá því að til standi að fækka áætlunarferðum flugfélagsins Ernis til Vestmannaeyja. „Við vorum að breyta áætluninni frá og með 1. september og erum að fækka ferðum á flesta áfangastaði okkar,“ segir Ásgeir Örn Þor­steins­son, sölu- og markaðsstjóri flug­fé­lags­ins Ern­is. 

„Við erum í hagræðingaraðgerðum, bæði að fækka ferðum, erum einnig með vélar í söluferli og gerum ráð fyrir samdrætti í starfsmönnum, en ekki miklum.“ Þetta kemur fram í Fréttablaðinu í dag.

Úr 14 niður í 10 á viku

Þar er enn fremur haft eftir Ásgeiri Erni að verið sé að fækka ferðum til Vestmannaeyja, úr 14 niður í 10 á viku. „Við erum einnig að fækka ferðum til Húsavíkur niður í átta. Svo fækkum við um eina ferð á Hornafjörð.“

Einnig stendur til að fækka flugvélum. Ernir er í dag með fjórar vélar sem taka 19 farþega hver, eina 32 sæta vél ásamt minni vélum fyrir útsýnisflug.

„Það er einhver lægð í gangi, bæði meðal innlendra sem og erlendra farþega,“ segir Ásgeir Örn. „Við erum á sömu skoðun og Air Iceland Connect með framtíðina, við teljum að markaðurinn eigi eftir að jafna sig. Núna erum við bara að bregðast við stöðunni eins og hún er núna. Við erum viðbúin að gefa í þegar það gerist.“

Nánari umfjöllun um stöðu innanlandsflugsins má lesa hér.

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu.