Ómögulegt að segja til um hvenær nýja ferjan kemst í áætlun

- málin ættu að skýrast betur þegar líður á vikuna

1.Júlí'19 | 12:48
nyr_herj_inns_naer

Ekki er hægt að segja til um hvenær nýja ferjan kemst í áætlun. Ljósmynd/TMS

„Við settum okkur það markmið að koma nýja Herjólfi í rekstur sem fyrst. Það er okkur mikilvægt að koma nýju ferjunni í rekstur og bundum við vonir við að ná því markmiði fyrir Goslokahátíð.” segir Guðbjartur Ellert Jónsson, framkvæmdastjóri Herjólfs ohf.

Guðbjartur segir að núna sé unnið samhliða að því að fara yfir alla rekstrarþætti, laga og bæta það sem hefur þurft að gera. Yfirfara öll kerfi og gera ferjuna klára til að taka á móti ferþegum.

Vinna við lagfæringu á ekjubrú fer fram að nætulagi

„Það er búið að sigla á allar hafnir og gera viðeigandi mælingar á ekjubrúm og liggur fyrir að gera þarf minni háttar lagfæringar í Landeyjahöfn og Þorlákshöfn. Lagfæringar á ekjubrú í Landeyjahöfn standa yfir og verður þeim vonandi lokið á morgun. Jafnframt er unnið að lagfæringu á ekjubrúnni í Vestmanneyjum en þar þarf að gera nokkuð meira en við hinar hafnirnar. Vinna við lagfæringu fer fram að nætulagi þegar siglingar liggja niðri.” segir Guðbjartur Ellert og bætir við:

„Við tökum einn dag fyrir í einu og því er ómögulegt að segja til um hvenær við komum nýju ferjunni undir og getum hafið siglingar samkvæmt áætlun en ljóst er að um leið og allir þessir þættir eru frá hefjum við rekstur. Málin ættu að skýrast betur þegar líður á vikuna.”
 

Tags

Herjólfur

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-