Herjólfur lagður af stað frá Færeyjum

Fengu eld­skírn í óveðri í Norðursjónum

- síðasti leggurinn framundan

13.Júní'19 | 10:11
herj_nyr_gvg_ads_2

Nýr Herjólfur við bryggju í Færeyjum. Ljósmynd/aðsend

Nú eru ekki langt að bíða þar til nýi Herjólfur kemur til Vestmannaeyja. Ferjan kom til Færeyja í gær til að taka olíu. Lagt var úr höfn í Færeyjum nú fyrir stundu og er síðasti leggurinn framundan.

25-30 m/s og 5-6 metra ölduhæð

Gísli Valur Gíslason er einn þriggja skipstjóra sem siglir skipinu heim. Hann segir að ferðin hafi gengið vel hingað til. „Við fengum á okkur skítaveður seinni part þriðjudags og aðfaranótt miðvikudags, en skipið reyndist vel. Við reyndar misstum út annan uggann, en hann komst í lag um morguninn.” segir Gísli Valur og bætir við að alvanalegt sé að sitt hvað komi upp í nýju skipi þegar verið sé að fínpússa tækin.

Hann segir að vindstyrkurinn hafi verið um 25-30 m/s og 5-6 metra ölduhæð. „Við vorum staddir á milli Noregs og Sjatlandseyja, þegar við fengum þetta veður á okkur”

Áætlað er að skipið verði við Vestmannaeyjar á föstudagskvöld eða aðfaranótt laugardags. Á laugardeginum er svo móttökuathöfn í Eyjum sem verður nánar auglýst síðar.

Tags

Herjólfur

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...