Íris Róbertsdóttir og Njáll Ragnarsson skrifa:

Engin óvissa, áfram gakk!

8.Júní'19 | 13:30
herj_ny_0219-001

Nýr Herjólfur er væntanlegur til Eyja í næstu viku. Ljósmynd/aðsend

Í samþykktum Vestmannaeyjaferjunnar Herjólfs ohf., dags. 19. maí 2018, er kveðið á um í 4. tl. að bæjarstjóri fari með alla hluti bæjarins í félaginu. Þetta umboð er ekki takmarkað að öðru leyti en því að sala hluta úr félaginu krefjist samþykkis bæjarstjórnar. 

Bæjarstjóri er þannig handhafi eina hlutabréfsins í félaginu og fer með eigandavaldið á hluthafafundum og þarf ekkert sérstakt umboð til þess fyrir hvern fund. Staðhæfingar fulltrúa Sjálfstæðisflokksins í stjórn félagsins um annað eiga því ekki við rök að styðjast og engin ástæða til að bregðast sérstaklega við þeim. Þetta er skýrt í samþykktum félagsins.

Ný stjórn Vestmannaeyjaferjunar Herjólfs hittist í gær á sínum fyrsta fundi og skipti með sér verkum. Arnar Péturson var kjörinn formaður og Guðlaugur Friðþórsson varaformaður.

Það eru ánægjulegir tímar framundan í samgöngum Eyjamanna. Á morgun, 9. júní, er áætlað að nýr Herjólfur leggi af stað frá Póllandi og við getum fagnað honum hér í heimahöfn í Eyjum laugardaginn 15. júní. Verið er að undirbúa móttökuathöfn skipsins sem verður auglýst síðar.

Það verður mikil gleðistund.

 

Íris Róbertsdóttir,  bæjarstjóri

Njáll Ragnarsson, formaður bæjarráðs

 

Tags

Herjólfur

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-