Hilmarslaut vígð á Hraunbúðum

7.Júní'19 | 08:25
hilmarslaut_vigsla_hraunb

Hilmarslaut við Hraunbúðir. Ljósmynd/hraunbudir.is

Í vikunni fór fram vígsla á nýju útisvæði austan við Hraunbúðir í blíðskaparveðri.  Kvenfélagið Líkn styrkti heimilið með rausnarlegu framlagi til að þetta svæði yrði að veruleika. Hilmar Sigurðsson (f. 26.04.1921-27.09.2014) var heimilismaður á Hraunbúðum. 

Hann arfleiddi Líkn að fjármunum eftir sinn dag sem félagið lét renna til þessa verkefnis. Svæðið ber því nafnið Hilmarslaut. Á svæðinu er stórt beð þar sem ætlunin er að rækta jarðarber og kál. Þá er tveggja manna róla, gosbrunnur o.fl sem eykur á gleði og örvar skynjun heimilismanna, segir í frétt á vef Hraunbúða. 

Fjöldi fólks var viðstatt vígsluna þar sem Tómas yfirbryti og starfsfólk buðu upp á grillmat, gos og sherry.  Edda Ólafsdóttir formaður Líknar sagði nokkur orð ásamt Sólrúnu Gunnarsdóttur, deildarstjóra og Helgu Jóhönnu Harðardóttur, formanns fjölskylduráðs sem þakkaði fyrir hönd Vestmannaeyjabæjar fyrir þann hlýhug sem Líkn sýndi við þetta tækifæri.

Fleiri myndir frá vígslunni má sjá hér.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...