Ekki verið meira af lunda í Eyjum í mörg ár

31.Maí'19 | 14:55
IMG_7575

Lundastofninn í Eyjum er á uppleið. Ljósmynd/TMS

Um helgina hefst árleg vöktun lundastofnsins þegar náttúruvísindamenn hefja rannsóknarferð um landið. Eftir mjög döpur ár í stærstu lundabyggð landsins í Vestmannaeyjum virðist stofninn þar á uppleið. Lundinn étur sandsíli og er því sterkastur þar sem mikið er af síli.

Loðnan var helsta fæða lundans, einkum fyrir norðan land, en segja má að hann hafi á síðustu árum breytt matseðlinum. Eftir að ásand loðnunnar versnaði varð lundinn alfarið háður sandsíli til átu. Og þar sem sílið dafnar vel eru lundabyggðirnar sterkar og rannsóknir hafa sýnt að lundinn verði að hafa aðgang að sandsíli til að varp takist, segir í frétt á vefsíðu Ríkisútvarpsins.

Besta vor lundans í Eyjum síðan fyrir aldamót

Lundastofninn er sterkastur á norðanverðu landinu, frá Ísafjarðardjúpi austur á Borgarfjörð eystra. Sunnar á Austfjörðum er ástandið lakara. Ástandið í Vestmannaeyjum hefur lengi verið mjög dapurt en Erpur Snær Hansen, líffræðingur hjá Náttúrstofu Suðurlands, segir að þar sé lundinn á uppleið. Í fyrra hafi til dæmis verið besta pysjuár í Eyjum frá því farið var að skrá pysjubjörgun árið 2003. Og ekki hafi sést meira af lunda í brekkunum í Eyjum að vorlagi síðan fyrir aldamót. „Hinsvegar gerðist það nú líka að helmingurinn af ungunum drapst í sumar en það sem eftir lifið náði þó á væng. Og það sem eru kannski ennþá betri fréttir er að þeir voru frekar þungir, eða í eðlilegri þyngd. Og það skiptir eiginlega jafn miklu máli eins og fjöldinn.“

Ruv.is greinir frá. Nánar má lesa um málið hér.

Tags

Lundinn

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...