Afsláttarkjör í skoðun hjá Herjólfi

fyrir þá sem ekki eiga lögheimili í Vestmannaeyjum, en eru stórnotendur ferjunnar engu að síður

21.Maí'19 | 14:15
IMG_4168

Gamli Herjólfur þjónustar Eyjamenn og gesti enn, en sá nýi er tilbúinn í Póllandi. Ljósmynd/TMS

Á fundi bæjarráðs í dag var umræða um samgöngumál. Bæjarstjóri fór yfir fund með Guðbjarti Ellerti Jónssyni, framkvæmdarstjóra Vestmannaeyjaferjunnar Herjólfs ohf., sem fram fór í síðustu viku. Samkvæmt Guðbjarti gengur rekstur félagsins almennt vel. 

Aðalfundur Vestmannaeyjaferjunnar Herjólfs ohf. í lok mánaðarins

Það er hins vegar að mörgu að huga og ýmislegt enn í vinnslu, svo sem bókunarkerfi og heimasíða. Verðskrá Herjólfs var rædd og upplýsti Guðbjartur um að það væri í skoðun hjá félaginu að vera með afsláttarkjör fyrir þá sem ekki eiga lögheimili í Vestmannaeyjum, en eru stórnotendur ferjunnar engu að síður. Boðað hefur verið til aðalfundar Vestmannaeyjaferjunnar Herjólfs ohf. þann 31. maí kl. 16:00. 

Þá komu þeir Sveinn Rúnar Valgeirsson, skiptstjóri á Lóðsinum og Ívar Torfason skipstjóri á Herjólfi komu á fund bæjarráðs til þess að ræða um Landeyjahöfn og bæjarstjóri fór yfir fundi og samtöl við vegamálastjóra í tengslum við Landeyjahöfn og nýja Vestmannaeyjaferju, segir í fundargerð ráðsins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...