Fimm verkefni frá Eyjum hlutu styrk úr Uppbyggingarsjóði Suðurlands

12.Apríl'19 | 05:14

Þrettándinn - heimildarmynd fékk hæsta styrkinn af Eyjaverkefnunum. Skjáskot/SIGVA media.

Verkefnastjórn Sóknaráætlunar Suðurlands á vegum Samtaka sunnlenskra sveitarfélaga hefur fjallað um tillögur fagráðs atvinnuþróunar og nýsköpunar annars vegar og fagráðs menningar hins vegar, um úthlutun verkefnastyrkja úr Uppbyggingarsjóði Suðurlands.

Um var að ræða fyrri úthlutun sjóðsins á árinu 2019. Umsóknir voru 107 talsins, í flokki atvinnuþróunar- og nýsköpunarverkefna bárust 49 umsókn og 58 umsóknir í flokki menningarverkefna.

Að þessu sinni var ríflega 50 mkr. úthlutað til 74 verkefna úr báðum flokkum. Samþykkt var að veita 29 verkefnum styrk í flokki atvinnuþróunar- og nýsköpunarverkefna samtals að upphæð 25 mkr. og 45 verkefnum í flokki menningarverkefna sem hlutu samanlagt ríflega 25 mkr.

Alls voru fimm verkefni héðan frá Eyjum sem hlutu styrki að þessu sinni upp á samtals 1850 þúsund.

Styrkirnir sem komu til Vestmannaeyja eru:

Heiti verkefnis	Umsækjandi	Styrkveiting	Tegund
Þrettándinn - heimildarmynd	SIGVA media ehf.	500.000	Menningarstyrkur
Umbrotatímar með Svabba Steingríms	Sindri Ólafsson	250.000	Menningarstyrkur
Hálft í hvoru - Tónleikar	Kristín Jóhannsdóttir	300.000	Menningarstyrkur
Heilsueflandi markaðssókn	Jaqueline Cardoso da Silva	400.000	Atvinnuþróunar- og nýsköpunarstyrkur
Blúndur & Blásýra	Leikfélag Vestmannaeyja	400.000	Menningarstyrkur