Fréttatilkynning:

Hlustunarpartý og útgáfutónleikar Foreign Monkeys

3.Apríl'19 | 10:37

Foreign Monkeys. Ljósmynd/aðsend

Vestmannaeyingar eiga von á fjörugu tveggja daga partýi fimmtudaginn 4. og föstudaginn 5. apríl nk. í tilefni af útgáfu nýrrar plötu Foreign Monkeys, Return.

Á fimmtudagskvöldið 4. apríl kl. 21.00 munu Foreign Monkeys og The Brothers Brewery bjóða Eyjamönnum til hlustunarpartýs á Brothers. Foreign Monkeys munu segja stuttlega frá útgáfunni, vinylplatan verður spiluð í heild sinni og bræðurnir kynna nýjustu bjór afurð sína Mr. Chimp, en bjórinn heitir einmitt eftir lagi með Foreign Monkeys.

Á föstudagskvöld kl 20:30 halda svo Foreign Monkeys útgáfutónleika sína í Alþýðuhúsinu. Hljómsveitin Merkúr eru sérstakir gestir á tónleiknum og mun þeir hefja leikinn stundvíslega kl. 20:30 en Foreign Monkeys stígur á svið strax á eftir þeim. Foreign Monkeys munu leika valið efni af fyrri plötu sinni ásamt því að leika nýju plötuna í heild sinni.

Frítt er inn á báða viðburðina og munu Foreign Monkeys selja vinylútgáfu Return á staðnum.