Landeyjahöfn:

Dýpið engan veginn nægt innan hafnar

14.Mars'19 | 19:41
bjorgunarbat_landey

Landeyjahöfn. Ljósmynd/TMS

Eins og margir hafa eflaust tekið eftir þá hefur Björgun hafið dýpkun í og við Landeyjahöfn. Dýpkun hefur gengið vel þegar veður leyfir eins og sjá má á mælingum. Hins vegar þarf að dýpka töluvert meira bæði milli garða og sérstaklega innan hafnar. 

Þetta kemur fram í tilkynningu frá Eimskip. Þá segir að þó dýpi í gatinu milli garða sé orðið nægt til að hægt sé að sigla þar á milli eftir sjávarstöðu þá gæti Herjólfur eins og staðan er núna ekki komist frá bryggju enda er dýpið engan veginn nægt þannig að hann gæti snúið innan hafnar.

Starfsfólk Eimskips/Herjólfs bíður eins og aðrir spennt eftir að höfnin opnist og um leið og aðstæður og veður leyfir verður siglt til Landeyjahafnar. Tilkynning verður send um leið og það er ljóst hvenær hægt verður að opna Landeyjahöfn. Þangað til er siglt til Þorlákshafnar.

 

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.