Bræðsla VSV af stað eftir þriggja mánaða stopp

5.Mars'19 | 07:54
five

Fiskimjölsverksmiðja VSV. Ljósmynd/TMS

Kolmunna af miðum við Írland er tekið fagnandi í fiskimjölsverksmiðju VSV. Byrjað var að bræða tæplega 2.000 tonna farm úr Huginn VE að morgni sunnudags 3. mars. Ætla má að sá afli endist verksmiðjunni fram á aðfaranótt miðvikudagsins.

„Við höfum lengi beðið eftir því að fá hjólin í gang hjá okkur á nýjan leik. Hér hefur ekkert verið brætt frá 30. nóvember,“ segir Unnar Hólm Ólafsson verksmiðjustjóri, í samtali við heimasíðu Vinnslustöðvarinnar.

„Ísleifur VE er á miðunum við Írland núna. Það síðasta sem ég heyrði var hann væri kominn með um 1.100 tonn og að styttist í heimferð. Siglingin til Eyja tekur allt að þrjá sólarhringa og gera má því ráð fyrir skipinu hingað til hafnar undir helgi.

Þetta er vissulega gott svo langt sem það nær en fyllir auðvitað hvergi upp í stóra skarðið sem loðnan skilur eftir sig. Við neitum samt að gefa upp vonina og höldum okkur við enn að loðna muni koma í leitirnar og gefinn verði út veiðikvóti.“

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...