Nýr Herjólfur fer í prófanir í næstu viku

- ef ekkert óvænt kemur upp ætti skipið að koma til Eyja seinni hluta marsmánaðar

16.Febrúar'19 | 10:24
IMG_3509

Myndirnar eru teknar í lok síðasta mánaðar. Ljósmyndir/aðsendar

Þessar vikurnar er unnið hörðum höndum að lokafrágangi nýrrar Vestmannaeyjaferju í pólsku skipasmíðastöðinni Crist S.A. Andrés Þ. Sigurðsson situr í smíðanefndinni og er hann á leið til Póllands til að fara með skipinu í þær prófanir sem framundan eru. 

Aðspurður varðandi afhendingu ferjunnar segir Andrés það hafi ekki breyst. „Til stendur að fara í prófanir á skipinu í næstu viku og ef ekkert óvænt kemur upp ætti skipið að koma seinni hluta marsmánaðar.”

Hann segir að búið sé að gera prófanir á einstökum hlutum ferjunnar og það hafi gengið vel. Þá segir Andrés að miðað sé við að klára allt í Póllandi og skipið verði klárt þegar það kemur til Eyja.

Á von á því að kosnaðaráætlun standi

Andrés er sem fyrr segir á leið utan til að fara með skipinu í þær prófanir sem framundan eru. :ar hittir hann fyrir Hjört Emilsson sem einnig situr í smíðanefndinni. Hjörtur er skipatæknifræðingur og framkvæmdastjóri NAVIS. Þá er á staðnum starfsmaður nefndarinnar og hönnuður skipsins Jóhannes Jóhannesson.

Er Andrés er spurður um hvort kostnaður við ferjuna rúmist innan kostnaðaráætlunar segir hann að það eigi eftir að klára málin milli skipasmíðastöðvarinnar og Vegagerðarinnar svo endanleg niðurstaða liggur ekki fyrir. „En ég á von á því að kosnaðaráætlun standi.”

Hann segir aðspurður um heimsiglingu ferjunnar að hún gæti tekið fimm daga, en fari að sjálfsögðu eftir veðri. 

Tags

Herjólfur

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.