Skip Ísfélagsins halda til kolmunnaveiða

14.Febrúar'19 | 14:39
sigurdur_ve

Sigurður VE fer á kolmunnaveiðar fyrir helgi ásamt Heimaey VE. Ljósmynd/TMS

„Heimaey og Sigurður fara á kolmunnaveiðar fyrir helgi og þarf að sækja kolmunnann á veiðisvæðið vestur af Írlandi á alþjóðlegt hafsvæði sem gefur nú yfirleitt góða veiði, en veðurfar á þessum árstíma og rúmar 600 mílna stím á miðin gera þetta erfiðara.” segir Eyþór Harðarson útgerðarstjóri Ísfélagsins. 

„Ástæðan fyrir því að við þurfum að sækja þetta svona langt er að við höfum ekki leyfi til að veiða okkar kolmunnakvóta í færeysku lögsögunni í apríl/maí eins og áður. Einnig er ekki enn búið að úthluta loðnukvóta, þannig að við höfum tíma til að vinna á kolmunnakvótann núna, í stað þess að glíma við hann í okkar lögsögu seinnipart sumars eða í haust.” 

Missum ekki trúna á verkefninu

Varðandi loðnuvertíðina segist Eyþór vonast til að það mælist næstu daga það magn sem þurfi til að við getum stundað loðnuveiðar og vinnslu í því magni sem markaðir þurfa.

„Er ég þá að tala um frystingu á hrygnu og síðar hrognum. En því miður er tíminn ekki að vinna með okkur og þetta verður erfiðari aðstæður til mælinga með hverjum deginum. En við missum ekki trúna á verkefninu og freistum þess að ná mælingu með Hafró á næstu dögum sem gefur tilefni til kvótaúthlutunar.”

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...