Lions gefur HSU fjölþjálfa

Um er að ræða fjölþjálfa af gerðinni Nustep T5XR og æfingabekk af gerðinni Follo Diem 3Section.  Heildarverðmæti gjafarinnar er 1.400.000. Tækin er kærkomin viðbót í tækjasal sjúkraþjálfunar í Vestmannaeyjum og koma sér einstaklega vel.

Með þessari gjöf er þjónusta við skjólstæðinga HSU í Vestmannaeyjum bætt til muna. Lionsklúbbur Vestmannaeyja hefur í gegnum tíðina stutt dyggilega við bakið á stofnunni með gjafaframlagi sínu og er HSU ákaflega þakklát þeim ómetanlega stuðningi Lionsmanna. Án stuðnings frá félagasamtökum eins og Lions, væri búnaður stofnunarinnar rýrari, segir í frétt HSU.