Sumarlokanir leikskóla:

Meirihluti foreldra vill breytt fyrirkomulag

20.Nóvember'18 | 10:44

Ljósmynd/TMS

Á dögunum var gerð þjónustukönnun er varðar sumarlokanir leikskóla í Vestmannaeyjum. Á fundi fræðsluráðs í gær kynnti fræðslufulltrúi niðurstöður úr könnuninni.

Samtals 154 svöruðu könnuninni, þar af vildu 68,2% breytt fyrirkomulag en 31,8% halda fyrirkomulaginu óbreyttu. Þeir sem kusu breytt fyrirkomulag völdu milli þriggja valmöguleika:

1) Kosið á hverju ári um tvö lokunartímabil.

2) Lokað fyrstu þrjár vikur í júlí og val um tvær vikur þannig að leyfi barns verði 5 vikur samfellt.

3) Fest verði tvö lokunartímabil sem verða til skiptis milli ára. 66,7% völdu kost 2, 22,9% völdu 3 og 10,5% kost 1.

Ráðið þakkar þeim er tóku þátt í könnunni og felur skólaskrifstofu í samvinnu við skólastjórnendur leikskóla að skipuleggja sumarlokun leikskóla eftir þessum ábendingum, segir í bókun ráðsins.