Setja upp raforkustöð á Heimakletti

Þó ráðið hafi synjað erindinu og óskað eftir nýjum tillögum var ráðist í jarðvegsframkvæmdir á Heimakletti, líkt og ofangreind mynd ber með sér.

Umhverfis- og skipulagsráð fundaði aftur í gær og bókaði þannig um málið:

Ráðið getur ekki samþykkt umbeðna staðsetningu á raforkustöð en heimilar tímabundið leyfi til 12 mánaða á eftirfarandi hnit E:437063,628 / N:327829,619, en sú staðsetning hefur engin sjónræn áhrif frá bænum.

Ráðið leggur áherslu á vandaðan frágang og að röskun á svæðinu verði með minnsta móti. Þá skal Isavia fjarlægja aflagðan rafmagnskapal og ganga betur frá röskuðu svæði við ljósamastur. Allur frágangur skal vera í samráði við umhverfis- og framkvæmdasvið.