Kristján G. Eggertsson skrifar:

OHF – hver er tilgangurinn?

31.Október'18 | 10:51
herjolfur_nyr_cr_sa_c

Tölvugerð mynd af nýrri Vestmannaeyjaferju.

Þessi spurning vaknar því ég er áhugamaður um sjósamgöngur við Vestmannaeyjar. Það hefur verið barátta Eyjamanna við ríkisvaldið hverjir sem verið hafa við stjónvölinn að fá nægjanlegt fjámagn til að þessi mál séu í þokkalegu ástandi en ekki náðst sá árangur sem ásættanlegur er.

Undirritaður sat í stjórn Herjólfs h/f fyrir margt löngu síðan og var þá fulltrúi fjármálaráðuneytisins. Á þeim tíma börðust alþingismenn Sjálfstæðisflokks fyrir því að Herjólfur h/f (hlutafélag í eigu Vestmannaeyinga) hætti og ríkið tæki yfir reksturinn.

Nú eru þessir sömu aðilar ásamt hluta bæjarfulltrúa að berjast fyrir aðkomu Vestmannaeyjabæjar að rekstrinum. Hvað hefur breyst?

Mín skoðun hefur verið og er óbreytt. Vestmannaeyjabær á aðeins að vera þrýstiafl á stjórnvöld og rekstraraðila á hverjum tíma og berjast fyrir betri samgöngum.

Eftir því sem ég best veit hefur yfirtaka Vestmannaeyjabæjar á verkefnum frá ríki ekki staðist fjárhagslegar væntingar.

Nú nýverið birtist verðskrá frá OHF sem taka á gildi þegar nýtt skip mun hefja siglingar ,en takið eftir OHF hefur ekki neitt í höndum, en í tilkynningu frá Guðbjarti Ellerti Jónssyni, framkvæmdastjóra Herjólfs ohf. segir: „Bæði siglingaáætlun og tillaga stjórnar að gjaldskrá eru lagðar fram og samþykktar með fyrirvara um samþykki Vegagerðarinnar“.

Vafalaust er margt sem laga má í rekstri Herjólfs og sjósamgöngum, ekki efa ég það. Ef það hefur verið markmið með OHF að sá leiðindum í samfélagið þá virðist það hafa tekist bærilega.

 

Horfum til framtíðar 

Kristján G. Eggertsson

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...