Bæjarráð Vestmannaeyja:

Þolinmæðin er löngu þrotin

19.Október'18 | 06:23

HSU í Vestmannaeyjum. Ljósmynd/TMS

Á fundi með þingmönnum Suðurkjördæmis í kjördæmaviku var aðaláhersla bæjarstjórnar lögð á stöðu heilbrigiðisþjónustu í Vesmannaeyjum. Bæjarráð Vestmannaeyja fjallaði um málið á fundi sínum í vikunni.

Það liggja fyrir skýrslur og greiningar varðandi þessi mál en eftir þeim er ekki farið og í raun hefur ekkert gerst frá því að ""tímabundin"" lokun skurðstofu var ákveðin árið 2013. Þolinmæðin er löngu þrotin. Bæjarstjóri hefur óskað eftir fundi með heilbrigiðsráðherra vegna stóðu mála í heilbrigðisþjónustu í Vestmannaeyjum.

Bæjarráð leggur þunga áherslu á að þingmenn kjördæmisins, sem og aðrir þingmenn, leggist á árarnar með okkur í því að koma þjónustu- og öryggisstigi í viðunandi horf. Jafnframt felur bæjarráð bæjarstjóra að óska eftir fundi með forstjóra Heilbrigðisstofnunar Suðurlands á næsta fund bæjarráðs til þess að ræða stöðu heilbrigðiþjónustu í Eyjum, segir enn fremur í bókun bæjarráðs.