Íris Róbertsdóttir ræðir stöðu Herjólfs ohf.

Förum vandlega yfir stöðuna á verkefninu og vinnulagið hjá stjórninni

- úrsögn Dóru Bjarkar Gunnarsdóttur hefur ekki verið staðfest. - kallað í varamann ef aðalmaður kemst ekki til fundar

16.Október'18 | 10:12
iris_sh

Íris Róbertsdóttir, bæjarstjóri.

Í gær fundaði H-listinn m.a vegna stöðunnar sem upp er komin varðandi mönnun í stjórn Herjólfs ohf. Sem kunnugt er óskaði Dóra Björk Gunnarsdóttir lausnar sem stjórnarmaður í félaginu. Eyjar.net ræddi við Íris Róbertsdóttur, bæjarstjóra um málið.

Aðspurð um hvort búið sé að fallast á úrsögn Dóru Bjarkar úr stjórn Herjólfs ohf. segir Íris: 

„Nei, úrsögn Dóru Bjarkar Gunnarsdóttur hefur ekki verið staðfest. Þau sjónarmið sem Dóra sagði að lægju að baki ósk hennar um úrsögn ber að taka alvarlega. Ég hef síðustu daga rætt við aðra stjórnarmenn, þar á meðal stjórnarformanninn, til að heyra þeirra sjónarmið. Það er mjög mikilvægt að við séum ekki að hrapa að niðurstöðu heldur förum vandlega yfir stöðuna á verkefninu og vinnulagið hjá stjórninni. Við þurfum að vanda okkur við allt sem snýr að þessu mikla hagsmunamáli okkar og tökum okkur bara þann tíma sem við þurfum. Stjórn félagsins er starfhæf - það er einfaldlega bara kallað í varamann ef aðalmaður kemst ekki til fundar.”

Er Íris er spurð um hvort hún ætli að boða til hluthafafundar í félaginu segir hún að engin slík ákvörðun hafi verið tekin. 

Nú heldur þú ein á hlutabréfinu í Herjólfi ohf. Nýtur stjórnin þíns trausts til áframhaldandi verka eftir aðfinnslur fulltrúa H-listans í stjórn Herjólfs ohf. á vinnubrögðum stjórnar?

Á meðan stjórnin situr gerir hún það auðvitað í umboði eigandans og með hans trausti. Við þurfum hins vegar öll að gera okkur grein fyrir því að það er gríðarlega mikilvægt að stjórn þessa félags njóti trausts hinna raunverulegu eigenda þess - sem eru bæjarbúar allir. Bæjarstjórinn á hverjum tíma er auðvitað bara umboðsmaður þeirra gagnvart stjórninni. Þetta verkefni er mikilvægt fyrir okkur öll og það má enginn, hvorki í stjórn félagsins né í bæjarstjórn, freistast til að halda að þetta sé mál einhverra fárra útvaldra. Allt sem þetta félag gerir, eða lætur ógert, er mál allra bæjarbúa og verður að vinnast fyrir opnum tjöldum. Þess vegna höfum við t.d. ákveðið að fundargerðir stjórnarinnar verði opnar öllum. Það verður líka hluti af þeirri eigendastefnu fyrir félagið sem nú er verið að vinna að, en hefði auðvitað verið best að lægi fyrir strax við stofnun félagsins í maí. Ég treysti því að við berum gæfu til þess, hvar í flokki sem við stöndum, að láta verkefnið sjálft - bættar samgöngur milli lands og Eyja - alltaf hafa forgang umfram eitthvað reiptog um form og flokka, segir Íris Róbertsdóttir.

 

Þessu tengt: Fréttatilkynning frá stjórn Herjólfs ohf.
 

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-