Fjölskyldu- og tómstundaráð:

Frístundastyrkurinn gildi frá tveggja ára aldri

í stað sex ára

29.Ágúst'18 | 15:22
tonlistaskoli

Styrkurinn nýtist m.a þeim sem leggja stund á tónlistarnám.

Frístundastyrkur var aftur til umræðu á fundi fjölskyldu- og tómstundaráðs nú í vikunni.

Ráðið fól framkvæmdastjóra sviðsins að koma með nánari upplýsingar um stöðu mála áður en ráðið tæki endanlega ákvörðun um tillögu að breytingu um aldursviðmið í reglum um frístundastyrk.

Vilja gera styrkinn aðgengilegri fyrir fleiri

Fulltrúar meirihlutans leggja til að gerðar verði breytingar á aldursviðmiðum reglna um frístundastyrk þannig að styrkurinn gildi frá 2ja ára aldri í stað 6 ára. Lagt er til að breytingin taki gildi frá og með 1. október nk. Það er stefna meirihlutans að betrumbæta og gera styrkinn aðgengilegri fyrir fleiri. Þetta er fyrsta skrefið í átt að þeim breytingum. Með þessum breytingum á aldursviðmiðunum er vonast til þess að samstarfsaðilar bjóði upp á skipulagt íþrótta- og tómstundastarf fyrir börn niður að 2ja ára aldri. Þátttaka í skipulögðu íþrótta- og tómstundarstarfi getur haft veigamikil forvarnaráhrif og því gott að byrja snemma að tileinka sér slíka iðju. 

Sjá einnig: Vilja breyta aldursviðmiðum frístundastyrks

Minnihlutinn vill hækka aldurbilið upp í 18 ár

Fulltrúar Sjálfstæðisflokksins samþykkja tillögu meirihlutans enda fellur hún að þeim upplýsingum sem komu fram á fundinum og eru innan fjárhagsáætlunar. Við teljum þó að betra hefði verið að hækka aldurbilið upp í 18 ár til að byrja með, m.a. vegna brottfalls ungs fólks úr skipulögðu íþrótta- og tómstundastarfi, en það má skoða fyrir fjárhagsáætlunargerð næsta árs. Jafnframt viljum við ítreka efasemdir okkar um hæfi formanns ráðsins til þess að taka þátt í umræðu og ákvarðanatöku, segir í bókun minnihlutans.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).