Dagbók lögreglunnar:

Tvö fíkniefnamál komu upp í vikunni

27.Ágúst'18 | 17:29
loggub

Ljósmynd/TMS

Tvö fíkniefnamál komu upp í vikunni sem leið og var í báðum tilvikum um svokölluð neyslumál að ræða en lögreglan fór í þrjár húsleitir í liðinni viku vegna rannsóknar fíkniefnamála.

Einn fékk að gista fangageymslur í vikunni sem leið en hann hafði verið í annarlegu ástandi og fékk því gistingu þar til rann af honum víman. Þetta kemur fram í dagbók lögreglunnar í Vestmannaeyjum fyrir liðna viku.

Eitt umferðaróhapp var tilkynnt lögreglu í vikunni en óhappið varð um borð í Herjólfi síðdegis þann 20. ágúst sl. Þarna hafði bifreið runnið á aðra bifreið, en gleymst hafði að setja bifreiðina í handbremsu. Ekki varð mikið tjón á ökutækjunum vegna atviksins.

Tvær kærur liggja fyrir vegna brota á umferðarlögum eftir vikuna og er í öðru tilvikinu um að ræða brot á stöðvunarskyldu en í hinu tilvikinu notkun farsíma í akstri án handfrjáls búnaðar.

Í síðustu viku var Grunnskóli Vestmannaeyja settur og má því búast við að gangandi vegfarendum fjölgi á leið til og frá skóla. Lögreglan vill því beina því til ökumanna að fara varlega í umferðinni og þá sérstaklega í kringum skólana. Sérstaklega skal minnt á gangbrautarréttinn og eru ökumenn hvattir til að virða hann.

Fyrsta september nk. breytist útivistatími barna og ungmenna þannig að börn, 12 ára og yngri, mega ekki vera á almannafæri eftir klukkan 20.00 nema í fylgd með fullorðnum. Börn, sem eru á aldrinum 13 til 16 ára, skulu ekki vera á almannafæri eftir klukkan 22.00, enda séu þau ekki á heimferð frá viðurkenndri skóla-, íþrótta- eða æskulýðssamkomu.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.