Heimir orðaður við stjórastarf Basel

31.Júlí'18 | 08:39
heimir_hallgrims

Heimir Hallgrímsson

Heimir Hallgrímsson, fyrrum þjálfari karlalandsliðs Íslands í knattspyrnu, hefur verið orðaður við stjórastarf hjá svissneska stórliðinu FC Basel. Tvær vikur eru síðan Heimir sagði upp sem landsliðsþjálfari Íslands.

Svissneski miðillinn laRegione greinir frá þessu en slegið var á þráðinn til Heimis þar sem hann sagðist ekkert hafa heyrt frá félaginu.

„Ég hef ekki persónulega heyrt í stjórnarmönnum Basel, en þetta er áhugaverður kostur. Ég held að hvaða þjálfari sem er væri til í að stýra svo glæstu félagi,“ sagði Heimir við laRegione.

Þrátt fyrir að Heimir segist ekki hafa heyrt frá stjórnarmönnum Basel segist blaðamaður laRegione hafa heimildir fyrir því að samband hafi verið á milli umboðsmanns hans og yfirmanna félagsins.

Basel hefur verið án knattspyrnustjóra síðan Raphaël Wicky var vikið úr starfi í vor. Alexander Frei tók þá tímabundið við stjórnartaumunum. Á síðustu leiktíð mistókst Basel að vinna svissnesku úrvalsdeildina í fyrsta sinn síðan 2009.

 

Ruv.is

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.