Úrslit kosninganna standa

Kæran tók annars vegar til fjögurra utankjörfundaratkvæða sem yfirkjörstjórn úrskurðaði ógild og hins vegar myndbirtingar af atkvæðaseðli á samfélagsmiðlum. Sýslumaðurinn í Eyjum sendi úrskurð sinn út rétt fyrir hádegi og hafnaði kærunni þannig að úrslit kosninganna standa.

Trausti Hjaltason bæjarfulltrúi Sjálfstæðisflokksins í Vestmannaeyjum segir að farið verði yfir úrskurðinn til að ákveða hvort honum verði áfrýjað til dómsmálaráðuneytisins, segir í frétt á vef Ríkisútvarpsins, ruv.is.