Fréttatilkynning:

Undirbúningur Goslokahátíðar á fullu

13.Júní'18 | 14:30
goslok_2016_cr

Goslokahátíðin verður haldin helgina 5.-8.júlí nk. Ljósmynd/TMS

Goslokahátíð Vestmannaeyja verður haldin helgina 5.-8.júlí nk. Af nógu verður að taka líkt og venja er, fjölbreyttir menningar –og fjölskylduviðburðir auk hátíðarkvöldsins á laugardeginum.

Eitt af því sem Goslokanefnd vill leggja sérstaka áherslu á er að hvetja íbúa til að skreyta nærumhverfi sitt og þannig gera bæjarbraginn enn skemmtilegri. Nýr goslokafáni hefur litið dagsins ljós og eftir fjölmargar og góðar ábendingar voru framleidd smærri flögg fyrir hátíðina. Um er að ræða vandaða, faldaða polyester fána á tréstöng. Auðvelt að koma þeim fyrir hvar sem er og því eru þeir heppilegir fyrir þá sem ekki hafa fánastöng.

Ef þú vilt tryggja þér snemma eintak má finna fánana í forsölu á bæjarskrifstofum í Rauðagerði. Einnig má þar kaupa stórt flagg. Þá er einnig hægt að senda skilaboð á facebook síðu hátíðarinnar, Goslokahátíð Vestmannaeyja og tölvupóst á netfangið goslok@vestmannaeyjar.is til að taka frá.

Athugið að fánarnir koma í takmörkuðu upplagi og eru seldir á kostnaðarverði. Áfram verður svo auðvitað hægt að kaupa skreytingar í verslunum bæjarins þegar nær dregur hátíðinni, segir í tilkynningu frá skipuleggjendum.

Handfáni: 30x40 cm - 1.000 kr.
Gosflagg: 100x150 cm - 3.500 kr.
Flaggaðu með okkur!

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.