Elstu nemendur GRV útskrifaðir

7.Júní'18 | 06:52

Frá útskriftinni. Ljósmynd/Facebook-síða GRV.

Útskrift 10. bekkjar var haldin hátíðleg í Höllinni á þriðjudaginn. Nemendur mættu prúðbúnir að taka á móti útskriftarskírteinum og verðlaunum fyrir frammistöðu í námi.

Veitt voru verðlaun fyrir góðan árangur í námsgreinum, framfarir í námi, ástundun, félagsstörf og einn nemandi var heiðraður fyrir að ljúka grunnskóla á 9. árum. Dóra Björk Gunnarsdóttir framkvæmdastjóri ÍBV veitti nemendum sem hafa lokið tveimur árum í íþróttaakademíu viðurkenningu og einnig voru veitt verðlaun fyrir lokaverkefni nemenda.

Guðný Emilíana, Bryndís og Anika fluttu tónlistaratriði og Mía Rán Guðmundsdóttir flutti lokaræðu nemenda. Í lok dagskrár var boðið upp á súpu, brauð, kökur og kaffi, segir í frétt á facebook-síðu GRV.

Fleiri myndir frá útskriftinni má sjá á facebook-síðu GRV.