Ástarbréf til Heimis

- barst íslenska sendiráðinu í Þýskalandi

25.Maí'18 | 11:30
heimir_malli

Martin Eyjólfsson og Heimir Hallgrímsson hér saman á sviði. Ljósmyndir/aðsendar

,,Sendiráðinu í Berlín berast reglulega fyrirspurnir og erindi vegna ,,strákana okkar". Stundum eru þetta hópar og lið sem ,,eru Ísland" í fótboltakeppnum, oft skólar en einnig einstaklingar" segir Martin Eyjólfsson sendiherra Íslands í Þýskalandi. 

Martin eða bara Malli eins og Eyjamenn kalla hann ávalt segir einnig að eftir EM 2016 hafi sendiráðinu til dæmis borist risastór Evrópubikar, skorinn úr tré, af aðdáanda Íslands og íslenska landsliðsins. Heimir Hallgrímsson, þjálfari liðsins, hitti listamanninn á kvikmyndahátíð fótboltamynda sem haldin er hér í Berlín á hverju ári, en þar var gripurinn til sýnis.

Nú í morgun barst sendiráðinu ekki bara bréf heldur ástarbréf. Þetta er voðalega flott bréf í rauðu umslagi, skreytt með með hjörtum og rósum. En því miður var það ekki til okkar heldur til Heimis og strákana.

Sendandinn heitir Eva og býr í Bæjaralandi. Hún segir að strákarnir minni sig á baráttukonuna Brynhildi úr Niflungaljóði. Hún óskar liðinu ,,heimsins hamingju" og að ,,boðskapur" liðsins ,,berist um heim allan". Lokakveðjan er að sjálfsögðu "Love".

Svo mörg voru þau orð.

 

Malli klikkir síðan út með því að segja:

,,Kæri Heimir!

Ég biðst afsökunar á því að hafa opnað ástarbréf til ykkar. Lofa að það kemur ekki fyrir aftur!

 

Þinn vinur,

Malli"

bikar_malli

Evrópubikarinn

Glæný fýlsegg

17.Maí'22

Er kominn með glæný fýlsegg. Upplýsingar í síma 8693499, Georg.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.