Ársreikningur Vestmannaeyjabæjar fyrir árið 2017

Búið að greiða niður yfir 90% af skuldum sveitarfélagsins á þremur kjörtímabilum

Á sama tíma hefur velferðaþjónusta verið byggð upp og samfélagið lagað að breyttum tíma

12.Apríl'18 | 20:10
hofn_heimakl_0717

Vestmannaeyjar. Ljósmynd/TMS

Samkvæmt ársreikningi Vestmannaeyjabæjar fyrir árið 2017 voru heildar rekstrartekjur samstæðu Vestmannaeyjabæjar 4.720 m.kr. og rekstrargjöld fyrir afskriftir og fjármagnsliði námu 4.398 m.kr. Þetta kemur fram í tilkynningu frá Vestmannaeyjabæ.

Rekstrarafkoma samstæðu var jákvæð um tæpar 385 milljónir. Ársreikningur Vestmannaeyjabæjar fyrir árið 2017 ber það með sér að rekstur Vestmannaeyjabæjar gengur vel. Hjá aðalsjóði var veltufé frá rekstri 717 milljónir og hjá samstæðu Vestmannabæjar var veltufé frá rekstri tæpar 930 milljónir. Vestmannaeyjabær hefur á seinustu árum verið að greiða niður áratuga gamlar skuldir og er búinn að greiða niður skuldir og skuldbindingar fyrir u.þ.b. 5.408 milljónir síðan 2006 og hafa skuldir lækkað um rúmlega 90% á þessum tíma.

Með reglulegum afborgunum mun Vestmannaeyjabær nálgast það að verða skuldlaus við lánastofnanir innan fárra ára. Lífeyrisskuldbinding Vestmannaeyjabæjar hefur hins vegar hækkað mikið undanfarin ár og var gjaldfærslan árið 2017 tæpar 355,9 milljónir hjá samstæðu Vestmannaeyjabæjar.

Að auki komu til gjalda á árinu 2017 tæplega 128,5 milljónir sem eru framlög vegna uppgjörs A-deildar Brúar lífeyrissjóðs. Skuldaviðmið samstæðu bæjarins er 16,9% og skuldahlutfallið er 110,4%. Hámarks skuldahlutfall skv. sveitarstjórnarlögum er 150%. Veltufé frá rekstri nemur 19,7% af heildartekjum samstæðunar.

Heildareignir samstæðu Vestmannaeyjabæjar námu 12.724 m.kr. í árslok 2017, þar af stóð handbært fé og skammtímafjárfesting í 3.376 milljónum og hækkaðu þessir liðir um 128 milljónir á milli ára þrátt fyrir að fjárfest hafi verið í varanlegum rekstarfjármunum fyrir tæpar 758 m.kr. Allar fjárfestingar bæjarins eru fjármagnaðar með handbæru fé.

Allar kennitölur í rekstri sýna sterka og góða fjárhagsstöðu Vestmannaeyjabæjar. Veltufjárhlutfall sveitarsjóðs er 3,41 og eiginfjárhlutfallið er 54,3%. Veltufjárhlutfall samstæðu er 5,26 og eiginfjárhlutfall samstæðunar er 59%. Niðurstaða ársreiknings Vestmannaeyjabæjar fyrir árið 2017 er til marks um þetta leiðarljós bæjarstjórnar og henni fyrst og fremst hvatning til að gæta þess áfram að missa ekki tökin á skulda og útgjaldahliðinni. Samhliða því að böndum hefur verið komið á skuldasöfnun og rekstur bættur hefur velferðaþjónusta verið byggð upp og samfélagið lagað að nýjum tímum.

Næstu skref í þessari uppbyggingu eru bættar samgöngur með nýrri ferju, fjölgun þjónustuíbúða fyrir aldraða, nýtt sambýli fyrir fatlaða, fjölgun íbúða fyrir öryrkja, stækkun á leikskóla og endurbætur á grunnskólum svo eitthvað sé nefnt. Vandaður rekstur er það sem best tryggir öfluga og góða þjónustu, segir í tilkynningu frá Elliða Vignissyni, bæjarstjóra í Vestmannaeyjum.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...