Könnun á íþrótta- og tómstundaiðkun grunnskólabarna:

Lang flest börn stunda handbolta og fótbolta

26.Mars'18 | 06:43

Ljósmynd/úr safni

Á fundi fjölskyldu- og tómstundaráðs í vikunni voru niðurstöður kynntar á könnun sem gerð var á íþrótta- og tómstundaiðkun grunnskólabarna í Eyjum veturinn 2017-2018.

Heba Rún Þórðardóttir, forstöðumaður félagsmiðstöðvarinnar Rauðagerði framkvæmdi könnun á íþrótta- og tómstundaiðkun grunnskólabarna veturinn 2017-2018. Markmið könnunarinnar var að fá yfirlit yfir fjölda barna sem stunda einhverjar íþróttir- og/eða tómstundir og umfang tilboða sem standa börnum til boða.

85% grunnskólabarna stunda einhverja íþrótt- eða tómstundir

Fjöldi grunnskólabarna er um 528 börn skólaárið 2017-2018. Niðurstöður sýna að um 85% grunnskólabarna stunda einhverja íþrótt- eða tómstundir um 15% enga eða svara ekki. Mörg barnanna stunda fleiri en eina íþrótt- eða tómstundir. Lang flest börn stunda handbolta og fótbolta og er fjöldi iðkenda svipaður eða um 180 börn í hvorri grein. Líklega stunda einhver börn báðar greinar.

Á eftir handbolta og fótbolta eru fimleikar, tónlistarskólinn og æskulýðsstarf kirkjunnar/KFUM-K fjölmennast. Næst kemur sund, skátar, golf, karate og körfubolti. Börnin nefna um 20 íþrótta- og tómstundatilboð.

Vestmannaeyjabær greiðir allt að 25.000 kr í frístundastyrk

Brottfall barna úr íþróttum- og tómstundum eykst eftir því sem þau eldast og byrjar fljótt eftir 5. bekk. Fjölskyldu- og tómstundaráð þakkar kynninguna og notar jafnframt tækifærið til að hvetja foreldra og íþrótta- og tómstundaaðila til að leggja sig fram við að halda börnum sem lengst í skipulögðu íþrótta- og tómstundastarfi. Foreldrum er jafnframt bent á að Vestmannaeyjabær greiðir allt að 25.000 kr í frístundastyrk fyrir hvert barn frá 6 - 16 ára gegn framvísun kvittana fyrir útlögðum kostnaði, segir í bókun fjölskyldu- og tómstundaráðs.

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...