Ráðherrann hefur engum fjöðrum stolið

13.Mars'18 | 10:23
pall_magg

Páll Magnússon. Ljósmynd/aðsend.

Í gær birtist hér á Eyjar.net grein frá Margréti Rós Ingólfsdóttur undir yfirskriftinni „Að skreyta sig með stolnum fjöðrum”. Páll Magnússon, fyrsti þingmaður Suðurkjördæmis bregst við greinarskrifunum á facebook-síðu sinni.

„Þetta finnst mér skrýtin grein hjá vinkonu minni Margréti Rós. Ákvörðun samgönguráðherra nú lýtur að því að lækka fargjöld til Þorlákshafnar strax, til jafns við Landeyjahöfn, í stað þess að láta þá lækkun bíða nýrrar ferju eins og fyrri áform gerðu ráð fyrir. Þessu höfðu margir barist fyrir lengi og nýlega hvatti ég ráðherrann til þess í þingræðu að láta nú til skarar skríða og hrinda þessu litla réttlætismáli í framkvæmd strax. Og það gerði hann frá og með deginum í dag.

Ráðherrann hefur engum fjöðrum stolið frá neinum. Enginn hafði áður tekið ákvörðun um að flýta þessari lækkun. Af hverju gagnrýnir Margrét Rós ráðherrann fyrir þetta? Hefði verið betra að láta Eyjamenn og aðra halda áfram að borga hærri fargjöld með Herjólfi í Þorlákshöfn í a.m.k. hálft ár í viðbót? Af hverju ekki að gleðjast yfir þessu litla skrefi í réttlætisátt í stað þess að væna ráðherrann, og jafnvel fleiri, um að stela fjöðrum?” segir Páll Magnússon.

 

 

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu.