Fiskiðjuhúsið:

Innanhússframkvæmdin kostaði 210 milljónir

- um er að ræða 2. hæðina

14.Febrúar'18 | 08:16
IMG_8517

2. hæð Fiskiðjunnar er fullfrágegnin. Ljósmynd/Gunnar Ingi

„Endanlegur kostnaður vegna innanhúsframkvæmdar á 2. hæð Fiskiðjunnar eru 210 milljónir. Til grundvallar þessu liggur síðan leigusamningur við Þekkingarsetur til 25 ára.” segir Rut Haraldsdóttir, framkvæmdastjóri stjórnsýslu- og fjármálasviðs Vestmannaeyjabæjar í samtali við Eyjar.net.

Þá segir Rut að leigusamningurinn sé verðtryggður (uppfærist tvisvar á ári) og kostnaður leigutaka (ÞSV) er rúmlega 1.7 milljón á mánuði. 

„Vestmannaeyjabær hefur því leigutekjur á móti þessum kostnaði upp á 20,4 milljónir á ári og verður síðan eigandi að allri aðstöðunni að leigusamningi loknum. Leigutekjur á samningstímanum verða um 510 milljónir á föstu verðlagi.”

Upphaflega samþykkt að veita 170 milljónum í verkið

Fyrir tæpu ári síðan var samþykkt af Trausta Hjaltasyni í bæjarráði að veita 170 milljónum til verksins. Formaður bæjarráðs Páll Marvin Jónsson vék af fundi meðan málið var tekið fyrir og oddviti minnihlutans, Stefán Jónasson sat hjá við afgreiðslu málsins. Í bókun ráðsins sagði m.a. „Áætlaður kostnaður við endurbætur innanhúss eru áætlaðar 170 milljónir auk viðbótarverka og ber leigutakinn alla ábyrgð á framkvæmdinni og kostnaðnum enda gerir samningurinn ráð fyrir að endanlegt leiguverð taki mið af endanlegum framkvæmdakostnaði.

Unnið að viðauka við fjárhagsáætlun

Er Rut var spurð um þann viðbótarkostnað sem kominn er til við verkið sagði hún að á fundi bæjarráðs þann 11. júlí 2017 hafi verið samþykktur viðauki við fjárhagsáætlun ársins og þar voru 180 milljónir í innanhúsframkvæmdir á annari hæð Fiskiðjunnar.

„Þegar vinna við fjárhagsætlun 2018 stóð yfir lá ekki fyrir að þessi upphæð dyggði ekki fyrir framkvæmdunum.  Nú hefur komið í ljós að endanleg tala er 210 milljónir og unnið er að viðauka við fjárhagsáætlun 2018 m.a. vegna þessa og verkloka á viðbyggingu við Hraunbúðir.” 

 

Sjá einnig: Áfallinn kostnaður um 270 milljónir

 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu.