Handknattleikur:

Níu leikmenn frá ÍBV valdir hjá HSÍ

26.Desember'17 | 10:06

Alls voru níu leikmenn valdir í hópa hjá Handknattleikssambandi Íslands skömmu fyrir jól. Annarsvegar í U-20 í karlaflokki og hins vegar í afrekshóp HSÍ í kvennaflokki. Lítum nánar á hverjir voru valdir.

Bjarni Fritzson þjálfari U-20 ára landsliðs karla valdi í 26 manna hóp sem æfir 2-6 janúar 2018. Fimm leikmenn voru í hópnum frá ÍBV og fara þeir Andri Ísak Sigfússon, Friðrik Hólm Jónsson, Daníel Örn Griffin og Gabriel Martines Róbertsson til æfinga með liðinu en Elliði Snær Viðarsson fékk frí frá þessu verkefni þar sem hann er að jafna sig af meiðslum sem hafa verið að plaga hann í töluverðan tíma.

Einnig er gaman að geta þess að sjötti Eyjamaðurinn, Jörgen Freyr Ólafsson sem uppalinn er hjá ÍBV en spilar nú með Haukum, er á meðal þeirra sem valdir voru.

Þá valdi Axel Stefánsson 21 leikmann til æfinga með afrekshópi HSÍ helgina 5.-7. janúar. ÍBV á þar fjóra fulltrúa. Díana Kristín Sigmarsdóttir, Erla Rós Sigmarsdóttir, Ester Óskarsdóttir og Guðný Jenný Ásmundsdóttir. Einnig var Díana Dögg Magnúsdóttir valin en hún er uppalin hjá ÍBV en leikur nú fyrir Val, segir í frétt á heimasíðu ÍBV.