Bæjarstjórnarkosningar 2018

Sjálfstæðismenn ákveða leið við val á framboðslista á milli jóla og nýárs

22.Desember'17 | 06:52

„Já, búið er að boða til fundar þann 27. desember nk. Niðurstaða mun vonandi liggja fyrir eftir þann fund.” segir Aníta Óðinsdóttir formaður fulltrúaráðs Sjálfstæðisflokksins í Vestmannaeyjum aðspurð um hvenær niðurstaða liggi fyrir um hvaða leið skuli farin við val á framboðslista hjá flokknum.

Síðustu ár hefur Sjálfstæðisflokkurinn stillt upp lista fyrir bæjarstjórnarkosningar. Raunar má tala um síðustu áratugi því flokkurinn hélt síðast prófkjör fyrir bæjarstjórnarkosningar hér í Vestmannaeyjum árið 1990. Er Aníta var spurð um hvort stjórnin legði fram ákveðna tillögu fyrir fulltrúaráðið sagði hún að ekki liggi tillaga fyrir.

MMR mældi vilja bæjarbúa í þessum málum í síðasta mánuði. Þá kom í ljós að 56% af þeim sem sögðust ætla að kjósa Sjálfstæðisflokkinn vilja að prófkjörsleiðin verði farin á meðan 18% kjósenda flokksins vilja uppröðun. 25% af þeim sem sögðust ætla að kjósa Sjálfstæðisflokkinn eru óákveðnir.

 

 

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...