Tryggvi Már Sæmundsson skrifar:

Sameinum frekar en að sundra

10.Nóvember'17 | 14:48
vestmannaeyjar_ur_fjarlaegd

Vestmannaeyjar. Ljósmynd/TMS.

Eyjamenn lesa æ oftar um að sameina frekar en sundra. Bæjarstjórinn endar marga sína pistla á þessum orðum. Aðalega í kringum samgöngu-umræðuna. En hvers vegna?

Er það vegna þess að stór hluti bæjarbúa er honum ekki sammála? Getur ekki verið að flestum þyki ákvarðanirnar ekki réttar á þessu sviði?  Að fólk kvíði því að fá þessa ,,samgöngubót“ sem felst í nýrri ferju? Kvíði því að þurfa að sigla í fleiri mánuði uppí Þorlákshöfn í vetrarveðrum með rúmlega 30 kojur efst í skipinu?

Bæjarstjórinn fær menn ekki til að sameinast um eitthvað sem fólk hefur ekki trú á. En hvers vegna hefur fólk ekki trú á verkefninu?

Það er vegna þess að lítið hefur staðist af því sem gert hefur verið og ekki hefur verið hlustað á þá sem nota höfnina, þ.e skipstjórnarmenn.

Ekki einu sinni hefur staðist það sem sagt var á kynningu á nýrri ferju. Fyrst var borið á borð fyrir okkur að frátafir yrðu 5 dagar á ári. Svo var kynnt að frátafirnar yrðu 10 heilir dagar og 30 dagar sem hægt yrði að sigla hluta úr degi í Landeyjar. Svo skyndilega breyttust 10 dagarnir í 10%, því var lætt svona inn í von um að enginn tæki eftir því. Nú eru menn farnir að viðurkenna að þetta verði frátafir í nokkra mánuði á ári.

Er nema von að menn sameinist ekki – þegar þetta eru vinnubrögðin? Bæjarstjóra væri nær að hlusta á reynsluboltana í sínu nærumhverfi og leggjast á árar með þeim. Þeir tala allir um að vandamálið sé aðkoman að Landeyjahöfn. Straumurinn þar, sem minnkar sennilega ekki með að fá nýja ferju. Vissulega getur hún eitthvað meira – en á móti kemur versnar staðan þegar siglt er í Þorlákshöfn.

Nei, það hefur verið mælt* að 87% bæjarbúa sem bæjarstjóri vinnur fyrir, var sammála því að láta fyrst gera lagfæringar á Landeyjahöfn, svo að smíða ferju.

Er nema von að bæjarstjóri endi pistla sína á að sameina frekar en sundra?

 

Tryggvi Már Sæmundsson

*Úr skoðanakönnun MMR fyrir ET miðla sem gerð var í febrúar 2016. Hringt var í 874 Íslendinga 18 ára og eldri með skráð lögheimili í Vestmannaeyjum. Fjöldi svarenda 515 einstaklingar.

 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.