Vestmannaeyjabær:

Í skoðun að opna bókhaldið

27.September'17 | 13:28
IMG_1864

Vestmannaeyjabær. Ljósmynd/TMS.

Síðustu vikur og mánuði hafa borist fréttir um að sífellt séu fleiri sveitarfélög að opna bókhald sitt, svo íbúar geti með beinum hætti glöggvað sig á rekstri síns sveitarfélags. Nú síðast var Akureyri að tilkynna um opnun á sínu bókhaldi. 

Við það tilefni sagði Eiríkur Björn Björgvinsson bæjarstjóri á Akureyri:

„Þetta er mjög jákvætt skref í að efla gagnsæi og aðgengi að opinberum upplýsingum. Þróun í hugbúnaði hefur í dag einnig hjálpað okkur að birta þessar upplýsingar með auðveldari hætti en áður. Opnun bókhaldsins er jafnframt enn eitt skrefið í rafrænni stjórnsýslu hjá sveitarfélaginu og sú þróun mun halda áfram,“

Eyjar.net setti sig í samband við Rut Haraldsdóttur, framkvæmdastjóra stjórnsýslu- og fjármálasviðs Vestmannaeyjabæjar vegna málsins.

Hún segir að Vestmannaeyjabær hafi verið að skoða þetta og til standi að hún fari á kynningu hjá Reykjavíkurborg í næstu viku vegna opins bókhalds. Þá ítrekar Rut að ekki hafi verið tekið nein ákvörðun ennþá varðandi þetta.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.