Elís Jónsson skrifar:

Áfram um leikskólamál í Vestmannaeyjum

- væri ekki einfalt að afnema ársfjórðungshækkun og hækka í ársbyrjun eins og lang flest önnur sveitarfélög?

27.September'17 | 14:27
leik_barn

Leikskólinn Kirkjugerði. Ljósmynd/TMS.

Í gær birti Eyjar.net grein eftir undirritaðan undir fyrirsögninni ,,Um leikskólamál í Vestmannaeyjum‘‘. Ástæðan fyrir því að ég lagði í þá vinnu að taka saman gögn og skoða þetta betur er að mér ofbauð að sjá hvernig níðst er á foreldrum leikskólabarna í Vestmannaeyjum. 

Í gær hélt svo fræðsluráð fund sinn og í framhaldi sendi formaður fræðsluráðs frá sér tilkynningu um að leikskólagjöld hefðu verið lækkuð um 12,9%. Ég sá strax að það gekk ekki allt upp þarna í tilkynningunni, fyrir það fyrsta kannaðist ég ekki við að tímagjaldið væri 3.616 kr./klst. og 12,9% myndu tæplega duga til að nálgast meðaltalið hjá viðmiðunarsveitarfélögunum. Ég lét það ógert í tillitssemi við þá sem fara með þessi mál að birta prósentur þegar ég nefndi hækkun miðað við Hafnarfjörð í fyrr grein. Frá janúar 2011 til ágúst 2017 hækkaði Hafnarfjarðarbær gjöld sín á 8 tíma vistun með fæði um tæp 27,6%.

Á sama tíma var hækkun hjá Vestmannaeyjabæ um tæp 51,8%. Hvernig svona vitleysa fer í gegnum heilt ráð veit ég ekki, helst dettur mér í hug að það sé enginn áhugi að kynna sér málin. Með lestri á grein minni í gær hefði á auðveldan hátt verið hægt að kynna sér stöðuna á nokkrum mínútum. Það læðist að mér sá grunur að málin séu afgreidd eins og færibandavinna og helsta markmiðið sé að klára á sem skemmstum tíma. Ég vil góðfúslega benda á að ég ásamt öðrum útsvarsgreiðendum í Vestmannaeyjum tek þátt í að greiða laun þessara aðila.

Væntanlega hafa athugasemdir sem ég gerði í gærkvöldi skilað sér á réttan stað því  um 10 í morgun kom yfirlýsing frá Jóni Péturssyni framkvæmdastjóra fjölskyldu og fræðslusviðs hjá Vestmanneyjabæ. Það er gott og blessað en hvernig á einn maður að taka á sig þessi mistök? Er það vegna þess að aðrir í ráðinu t.a.m. formaður fóru ekki yfir málið?

Þó við ætlum ekki að verða deildarmeistarar með lægstu leikskólagjöldum, setjum okkur þá markmið og reynum að vera í fyrsta þriðjung, t.d. 3-5. sæti, og reynum svo að vinna bikarmeistaratitil öðru hverju með að hafa frumkvæði að bættum hag barnafjölskylda í Eyjum. Þó það sé búið að gera margt til bóta og því ber sannarlega að fagna þá hefur flest komið til framkvæmda eftir að hafa tekið alltof langan tíma og mörg önnur sveitarfélög löngu búin að innleiða.

Ég tók saman nýjustu gjaldskrár 15 stærstu sveitarfélaganna til að átta mig betur á þessu óvænta útspili. Vestmannaeyjar færast úr 15. sæti í 11. sæti þegar skoðaðir eru 8 tímar með fullu fæði.

Mér þætti einnig vænt um að heyra hvernig Vestmannaeyjabær og fræðsluráð ætlar að taka á því sem við höfum greitt meira en eðlilegt er síðustu mánuði og ár? Væri svo ekki einfalt að afnema ársfjórðungshækkun og hækka í ársbyrjun eins og lang flest önnur sveitarfélög? Sum hækka t.d. ekki á hverju ári.

 

Elís Jónsson.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-