Hildur Sólveig Sigurðardóttir skrifar:

Fræðsluráð lækkar dagvistunargjöld leikskóla um 12,9%

- stóraukin þjónusta við börn og barnafjölskyldur á undanförnum árum

26.September'17 | 21:20
kirkjuger

Leikskólinn Kirkjugerði. Ljósmynd/TMS.

Einlægur vilji fræðsluráðs er að þjónusta bæjarfélagsins við börn og fjölskyldur þeirra sé á öllum tímum eins góð og mögulegt er.

Með það að leiðarljósi hafa fjölmargar ákvarðanir ráðsins á undanförnum árum leitt af sér bætta þjónustu, sem dæmi um slíkar ákvarðanir eru niðurgreiðslur dagforeldra frá 9 mánaða aldri, heimagreiðslur til foreldra sem nýta ser ekki þjónustu dagforeldra, fjölgun leikskólaplássa og fjölgun inntökutímabila barna á leikskóla. Auk þess var nýlega tekin ákvörðun um stækkun Kirkjugerðis til að bæta við nýrri leikskóladeild og fjölga enn leikskólaplássum til að standa undir því markmiði að öll börn sem eru orðin 18 mánaða komist inn á leikskóla en í dag er ekkert barn 18 mánaða eða eldra á biðlista eftir leikskólaplássi.

Hægt að bregðast við hratt og örugglega þegar málefnin eru á okkar höndum

Á nýafstöðnum fundi fræðsluráðs var einróma samþykkt tillaga um 12,9% lækkun dagvistunargjalda leikskóla Vestmannaeyjabæjar. Fyrir lá að gjaldskrá leikskóla Vestmannaeyjabæjar var orðin nokkuð hærri en að meðaltali hjá viðmiðunarsveitarfélögum og því hærri en ráðið taldi æskilegt. Fræðsluráð samþykkti því að lækka dagvistunargjöld leikskóla úr 3.616 kr/klst niður í 3.150 kr/klst til að bregðast við þeirri stöðu. Í því felst að hærra hlutfall skatttekna verður notað í niðurgreiðslu leikskólakostnaðar og við þessa breytingu verður 8 klst. dagvistunargjald í Vestmannaeyjum lægra en meðaltal þess hjá viðmiðunarsveitarfélögum. Þessi breyting felur það í sér að kostnaður foreldra af leikskóladvöl barna þeirra verður um 15% en hlutfall Vestmannaeyjabæjar um 85% Þess má geta að fyrir um 15 árum var hlufallið nærri 60/40 og fyrir 5 árum greiddu foreldrar 23 % á móti 77% hluta Vestmannaeyjabæjar. Breytingin mun taka gildi frá og með 1. nóvember.

 

Hildur Sólveig Sigurðardóttir

Formaður fræðsluráðs Vestmannaeyjabæjar

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.