Sjúkraflutningar:

Enn þarf þyrla Gæslunnar að lenda utan vallar

- orðinn spurning hvort ekki þurfi orðið að setja upp þyrlupall vestast á Heimaey?

17.September'17 | 14:11

TF-Líf hér að búa sig til lendingar á Hamarsvegi í morgun. Ljósmynd/TMS.

Kalla þurfti út þyrlu Landhelgisæslunnar vegna sjúkraflugs frá Eyjum í morgun. Ekki var fært fyrir sjúkraflugvél Mýflugs sökum þoku í Vestmannaeyjum. Þyrlan lenti laust fyrir klukkan 11 í morgun.

Ekki reyndist unnt fyrir þyrluna að lenda á flugvellinum og því þurfti að lenda vestast á Heimaey. Það hefur nú gerst í þó nokkur skipti að Landhelgisgæslan nær ekki að lenda á flugvellinum og þarf því að notast við þennan veg.

Sjá einnig: Þyrla Gæslunnar gat ekki lent á flugvellinum

Það er því orðið spurning í ljósi mikilla sjúkraflutninga frá Eyjum - hvort ekki sé orðið tímabært að koma upp þyrlupalli á þessu svæði þar sem þyrlan lenti í morgun?

Uppfært 18. sept.

Hér að neðan má sjá myndband sem Guðmundur Arnar Alfreðsson tók af sjúkraflutningnum.